Sey wastena xo rojî ra ver rest serê koyî. Rojî pey koyan ra giran-giran sereyê xo vetêne. Merdimî winî zanitêne ke serê ê koyan de yew adiro girs wekerde bî û kila ê adirî zî heta rîyê asmênî bîbî berz, sey gonî sûr asayêne. Azad winî cayê xo de sasbîye mend. Heta ke roj rind bî berz û pey koyî ra vejîya winî qayîtê rojî kerd. Eke destê ey ra biameyêne ey a rindekîye winî bidayêne vinetene. La hewrê sûrî zereyê tîja çeqere de bîbî vîndî. Êdî serê gilê koyî ra sîyêne.Derûdor pêro binê linganê ey de mendîbî. Çiqas biwazo hende dûrî asayêne. Tene ke sî reyna peyser agêra û hetê rojî ra ewnîya. Desta Mose rostîya tîje de bîbî vîndî. Her ca sey camî bereqîyayêne. Eke yewê xerîbê uca ra qayîtê deste bikerdêne, ey do bivatenê uca derya yo. Nêvinet, rayîrê xo ra sî. Key ke ame dustê Koyê Munzurî vindet. Pîsta xo sanaye yew kemera sîyaye û ronist. Xo bi xo vat:
Ürün Adı: Lele Şodiri De Yew Rayirwan Ürün Kodu: 9789756278840 Yazar: Ali Rıza Kalan Basım Yılı: 2015 Kapak Türü: Karton Kapak Sayfa Sayısı: 112 Kağıt Cinsi: Kitap Kağıdı Çevirmen:
